# ActionSA is bekommerd omdat twee senior polisie-amptenare vrygespreek is in die Phala Phala-diefstalsaak op president Cyril Ramaphosa se plaas, ondanks bevindings van die Onafhanklike Polisie-ondersoekdirektoraat oor wangedrag. Hoofsweep Lerato Ngobeni sê dit beklemtoon swakpunte in die polisie se interne dissiplinêre stelsels. Sy sê herhaalde vrysprake in hoëprofielsake ondermyn aanspreeklikheid en openbare vertroue. Ngobeni bevestig ActionSA beplan om ‘n aansoek ingevolge die Wet op die Bevordering van Toegang tot Inligting in te dien om volledige dissiplinêre rekords te bekom, terwyl parlementêre en regspogings voortgaan om polisie-toesig en deursigtigheid te versterk.
ActionSA bevraagteken SAPD se dissiplinêre uitkomste oor Phala Phala-diefstal