Ampsklagkomitee fokus nou op sy werkprogram

# Die Parlement sê die ampsklagkomitee wat president Cyril Ramaphosa ondersoek, sal nou fokus op die bepaling van sy werkprogram en die oorweging van die volgende stappe in die ondersoekproses. Dit volg nadat Makashule Gana van Rise Mzansi gister as voorsitter aangestel is. Die Parlement sê hy sal leiding aan die komitee gee, toesig hou oor verrigtinge, beraadslagings lei en verseker die werk is in ooreenstemming met die Grondwet, die reëls van die Nasionale Vergadering en die komitee se mandaat kragtens Artikel 89 van die Grondwet.