Die Wêreldgesondheidsorganisasie sê die Demokratiese Republiek die Kongo se Ituri-provinsie is nie net die middelpunt van die dodelike Ebola-uitbreking nie, maar ook een van die gebiede wat die swaarste deurloop onder ernstige hongersnood. Volgens die Geïntegreerde Voedselsekuriteitsfase-klassifikasie se jongste inligting staar meer as tien-miljoen mense in Ituri, Noord-Kivu, Suid-Kivu en Tanganjika hongersnood in die gesig. Dit word veroorsaak deur konflik, ekonomiese druk, beperkte toegang tot noodsaaklike dienste en vervalle infrastruktuur. Die WGO sê mense wat verswak is deur honger, kry makliker infeksies.
DRK se Ituri-provinsie loop deur onder dodelike Ebola-uitbreking en hongersnood