# Die Gautengse LUR vir Onderwys, Sport, Kuns, Kultuur en Ontspanning, Lebogang Maile, sê skole in die provinsie skuld munisipaliteite meer as 583-miljoen-rand in onbetaalde rekeninge ouer as 60 dae. Maile het vanoggend tydens ‘n media-inligtingsessie gesê die Stad Johannesburg skuld die hoogste bedrag van meer as 390-miljoen-rand. Skole skuld Eskom ook meer as ses-miljoen-rand. Hy sê sommige skole is te min gevra voordat hulle rekeninge na meterlesings aangepas is, terwyl inflasie en stygende munisipale tariewe bykomende druk op skoolbegrotings en skuldbestuur geplaas het.
Gauteng skole skuld munisipaliteit byna R584-miljoen