# Rusland en Oekraïne gee mekaar die skuld dat hulle ‘n eensydige tweedaagse skietstilstand oortree het, wat die Russiese president Vladimir Putin aangekondig het vir die herdenking van die Sowjetunie se oorwinning oor Nazi-Duitsland. Die Russiese aanval op Oekraïne in 2022, het die dodelikste konflik in Europa veroorsaak sedert die Tweede Wêreldoorlog, en hul veg steeds voort. Die Russiese Ministerie van Verdediging sê 264 Oekraïnse hommeltuie wat Moskou teiken, is vroeg vanoggend afgeskiet. Die Oekraïnse president Volodymyr Zelensky sê Russiese magte het deur die nag voortgegaan met aanvalle op Oekraïne.
Rusland, Oekraïne veg voort ondanks skietstilstand