# Die Valsbaai TVET Kollege sê die konstruksie van sy nuwe Mitchells Plain-kampus vorder volgens skedule en sal na verwagting teen die einde van hierdie jaar voltooi wees. Die nuwe kampus sal tot drie-duisend studente huisves en kursusse in velde soos ingenieurswese, besigheid, inligtingstegnologie en ambagte aanbied. Kampusbestuurder Souchan Gasant-Jackson sê die ontwikkeling skep ook plaaslike ekonomiese geleenthede, met meer as 30-persent deelname deur plaaslike verskaffers tydens konstruksie.