# Rugby: Die Haaie se skrale hoop om die uitspeelrondes van die Verenigde Rugbykampioenskap te haal, is beëindig na ‘n nederlaag van 33-28 teen Edinburgh gisteraand. Die Haaie het met minder as 25 minute speeltyd oor op die Hive-stadion met 21-14 voorgeloop. Edinburgh het egter met drie drieë kort na mekaar beheer oorgeneem. Edinburgh se vyf drieë is gedruk deur Ewan Ashman, Glen Young, Mosese Tuipoluto, Hector Patterson en Darcy Graham. Edwill van der Merwe, Phepsi Buthelezi, Vincent Koch en Vincent Tshituka het die Haaie se vier drieë bygevoeg, almal verdoel deur Jean Smith.
Rugby: Edinburgh vernietig die Haaie se uitspeelhoop met oorwinning met vyf drieë