# ActionSA sê die DA se indiening van strafregtelike klagte teen die minister van maatskaplike ontwikkeling, Sisisi Tolashe, oor ‘n saak wat reeds ondersoek word, is ‘n vermorsing van polisiehulpbronne. Sy word daarvan beskuldig dat sy die Parlement mislei het oor twee luukse voertuie wat met die ANC-Vroueliga verbind word. ActionSA het twee weke gelede strafregtelike klagte ingedien. Die party sê indien die DA enige aanvullende inligting het, kan dit regstreeks voorgelê word by die bestaande ondersoek, eerder as om die proses te dupliseer vir politieke gewin.
ActionSA kritiseer DA vir indiening van duplikaatklagte oor bewerings teen minister Tolashe