Nuus 09:00

BULLETIN 9 November 9 vm

Goeiemôre. Ek is……..

In die bulletin:

# GOOD sê Donald Trump se besluit om nie G20-beraad by te woon nie, is gegrond op ‘n disinformasieveldtog teen Suid-Afrika
# Die ANC veroordeel Trump se  ‘vals en rasgelaaide’ opmerkings oor Suid-Afrika
# En, COSATU vra regering om ‘n sterk mediumtermyn-begrotings-beleidsverklaring voor te lê

# Die GOOD Party sê dis ‘n jammerte dat die Amerikaanse president Donald Trump aangekondig het dat hy nie by die G20-leiersberaad verteenwoordig sal wees wanneer Suid-Afrika die presidentskap van die G20 aan die Verenigde State oorhandig nie. GOOD se sekretaris-generaal, Brett Herron, sê dit lyk asof Trump hierdie besluit geneem het op grond van die disinformasieveldtog wat onder andere deur Suid-Afrikaners teen die land gevoer word:

Die ANC veroordeel intussen wat hy noem die valse, opruiende en rasgelaaide opmerkings deur die Amerikaanse president Donald Trump oor Suid-Afrika. Die ANC-woordvoerder, Mahlengi Bhengu, sê Trump se ongegronde bewerings van volksmoord en die vervolging van wit Suid-Afrikaners, asook sy boikot van die komende G20-leiersberaad in Johannesburg, is deel van ‘n lang en skandelike patroon van imperiale arrogansie en waninligting. Sy sê hierdie stellings is doelbewuste pogings om die werklikheid van Suid-Afrika se demokrasie te verdraai en rassevrees vir politieke gewin in die Verenigde State te mobiliseer.

# Die Gautengse Departement van Gemeenskapsveiligheid het die gekoördineerde pogings tussen wetstoepassingsagentskappe in die provinsie geloof. Vier verdagtes is doodgeskiet en een in hegtenis geneem tydens ‘n skietery met die polisie op die R25-pad in Bronkhorstspruit, Tshwane oor die naweek. Die departement se woordvoerder, Ofentse Morwane, sê die verdagtes word verbind met ‘n reeks transito- en gewelddadige rooftogte in Gauteng en Mpumalanga:

# COSATU doen ‘n beroep op die regering om ‘n sterk Mediumtermyn-begrotingsbeleidsverklaring ter tafel te lê om ‘n progressiewe verskuiwing aan te dui, weg van die verwoestende besparingsbesnoeiings wat openbare en munisipale dienste erg verswak het. Die minister van Finansies, Enoch Godongwana, sal Woensdag die Mediumtermyn-begroting in die Parlement ter tafel lê. COSATU se woordvoerder, Matthew Parks, sê die begroting moet reageer op die samelewing se ernstige foute van swak ekonomiese groei, ‘n stygende werkloosheidsyfer van 42,9-persent, korrupsie en diepgewortelde vlakke van armoede:

# Sokker: Orlando Pirates het gister hul plek in die Carlingbeker-uitklopreeks verseker deur Richards Bay met 1-0 te verslaan in ‘n spannende halfeindstryd op die Moses Mabhida-stadion in Durban. Tshepang Moremi was die held vir die Buccaneers en het die beslissende doel net voor rustyd met beheerste spel aangeteken. Richards Bay het in die tweede helfte probeer inhaal, maar is deur vasbeslote Pirates-verdediging gedwarsboom. Die Soweto-reuse wag nou vir die wenner van die tweede halfeindstryd vandag tussen Golden Arrow en Marumo Gallants.

# En tennis: Elena Rybakina het die wêreldnommer-een Aryna Sabalenka van Belarus met 6-3, 7-6 verslaan en is as die 2025 WTA-jaareindkampioen in Riaad, Saoedi-Arabië, gekroon. Die speler uit Kazakstan was die laaste kwalifiseerder vir die toernooi en het met oorwinnings in al vyf haar wedstryde ‘n foutlose toernooi voltooi. Rybakina se oorwinning is haar eerste titel as jaareindkampioen, en haar die 10de agtereenvolgende oorwinning vir ‘n eerste keer. Die oorwinning het haar ‘n rekordbedrag van 89-miljoen-rand in die sak gebring.

Bly ingeskakel vir meer nuus……………….