# City Power het ses eiendomme wat miljoene op hul elektrisiteitsrekeninge skuld, ontkoppel tydens sy jongste inkomsteherwinningsveldtog in Johannesburg. Die operasie, gelei deur die Hursthill Diensleweringsentrum en wetstoepassers, het wanbetalers in Auckland Park, Northcliff, Fairland en Westdene geteiken. Agterstallige skuld het gewissel van 600-duisend-rand tot 2,3-miljoen-rand. City Power het kliënte aangespoor om aan te hou betaal terwyl navrae ondersoek word, en opnuut bevestig dat hy 1,6-miljard-rand in uitstaande skuld wil verhaal.
City Power ontkoppel ses eiendomme vir miljoene in onbetaalde rekeninge