# Malawi se voormalige president, Peter Mutharika, het die verkiesing gewen en neem nou ʼn land oor met ʼn ekonomie in ʼn krisis, hoë lewenskoste, ʼn tekort aan buitelandse valuta en grootskaalse korrupsie. Die 85-jarige oudpresident het 56,8-persent van die stemme gekry teenoor 33-persent vir president Lazarus Chakwera. Mutharika, ʼn gewese regsprofessor, was van 2014 tot 2020 die land se president. Chakwera het sy nederlaag aanvaar en sê hy was verbind tot ʼn vreedsame magsoordrag. Die inhuldigingseremonie moet binne 30 dae plaasvind.
85-jarige Peter Mutharika na vyf jaar herkies as Malawi se president