# Israel se eerste minister, Benjamin Netanyahu, verwerp die erkenning van ʼn onafhanklike Palestynse staat as ʼn absurde beloning vir terreur. Dit volg nadat die Verenigde Koninkryk, Kanada en Australië amptelik hul erkenning van ʼn Palestynse staat bekendgemaak het. Netanyahu sê hy het jare lank, ten spyte van geweldige plaaslike en internasionale druk, die skep van daardie terreurstaat gekeer. Hy sê hy sal op die jongste poging om ʼn terreurstaat op Israel af te dwing, reageer wanneer hy hierdie week van die Verenigde Nasies se Algemene vergadering in New York terugkeer.
Netanyahu sê daar sal geen Palestynse staat wees nie