# Rugby: Die voormalige Springbok-heelagter en Northam Rhinos se hoofafrigter, Bevin Fortuin, is op 46-jarige ouderdom dood. Hy het volgens berigte net voor ʼn beplande oefensessie ʼn hartaanval gekry. Fortuin het twee keer vir die Springbokke uitgedraf. Hy het in 2006 sy toetsdebuut teen Ierland gemaak en in die Drienasies-reeks in 2007 teen Australië gespeel. Op klubvlak het hy uitgedraf vir die SWD Arende en die Cheetahs. Northam Rhinos sê Fortuin se reusebydrae, op en van die veld, is ʼn onmeetlike nalatenskap.
Rugby: Gewese Springbok-heelagter Bevin Fortuin sterf op 46