# Minstens 29 mense is dood in die noordelike staat Niger in Nigerië toe ‘n boot met ongeveer 100 mense aan boord in ‘n rivier gesink het. ‘n Plaaslike amptenaar het egter aan Reuters gesê die dodetal het tot 60 gestyg. Amptenare sê die boot, wat glo oorlaai was, het ‘n boomstomp getref. Bootongelukke is taamlik algemeen in Nigerië, dikwels weens oorlaaide vaartuie, swak regulasies en onvoldoende veiligheidsmaatreëls. In Desember verlede jaar is 54 liggame uit die Niger-rivier gehaal nadat ‘n boot met meer as 200 passasiers omgeslaan het.
Minstens 29 mense sterf toe boot boomstomp tref in Nigerië