# Krieket: Australië het gekeer dat die Proteas skoonskip maak deur hulle in die derde en laaste eendagwedstryd in Mackay, Queensland, met ʼn rekord van 276 lopies af te ransel. Travis Head, Cameron Green en Mitchell Marsh het almal honderdtalle aangeteken en die gashere het in hul 50 boulbeurte 431 vir twee aangeteken. In antwoord daarop het Cooper Connolly sy eerste vyfpaaltjie-oes ingesamel en die Proteas was op 155 almal uit. Dis Australië se grootste lopie-sege tuis in eendagwedstryde en tweede grootste in dié formaat. Suid-Afrika het die reeks met 2-1 beklink.
Krieket: Australië wen derde eendagwedstryd en keer dat Proteas skoonskip maak