Trump en Putin gaan op militêre basis in Alaska ontmoet

# Môre se spitsberaad tussen die Amerikaanse president, Donald Trump, en sy Russiese ampsgenoot, Vladimir Putin, sal op die Gesamentlike militêre basis Elmendorf-Richardson in Alaska plaasvind. Die leiers sal ontmoet om die beëindiging van die driejaar-lange oorlog in Oekraïne te bespreek. Dit sal die eerste keer wees dat die twee alleen vergader sedert 2018 se ontmoeting in Helsinki. Die basis is die hoofkwartier vir onder meer die Alaska-bevel, verantwoordelik vir Amerikaanse magte in die staat, asook die Alaska-NORAD-streek wat lugvaartbeheer en waarskuwings voorsien.