Ses verdagtes in Kaapstad in hegtenis geneem vir dwelmbesit van meer as R180 000 [KLANK]

# Kaapstad se metropolisie het gister in verskillende dwelmklopjagte ses verdagtes in hegtenis geneem en op smokkelware met ‘n beraamde straatwaarde van 186-duisend-rand beslag gelê. Die metropolisie se woordvoerder, Ruth Solomons, sê ‘n wenk oor vuurwapens en dwelmmiddels wat vervoer word, het beamptes gelei na die plek waar hulle op sowat ses-duisend Mandraxtablette beslag gelê het. Vyf verdagtes is in hegtenis geneem en ‘n sesde een is volgens Solomons in Manenberg aangekeer.