# Iran het Brittanje, Frankryk en Duitsland gewaarsku om nie ‘n konsep-resolusie by die Internasionale Atoomenergie-agentskap te steun nie. Die resolusie beskuldig Iran van nie-nakoming en Teheran noem dit ‘n “strategiese fout”. Die minister van Buitelandse Sake, Abbas Araghchi, sê Iran sal sterk reageer teen enige skending van sy regte. Die waarskuwing deur IRan se topdiplomaat kom terwyl die drie Europese regerings voorberei om volgende week tydens ‘n raadsvergadering saam met Washington ‘n sensuur-resolusie te steun. Die resolusie beskuldig Iran dat hy nie sy kernverpligtinge nakom nie en kan moontlik na die VN-Veiligheidsraad verwys word.
Iran waarsku Europese moondhede teen steun vir kernresolusie by IAEA-vergadering volgende week