# President Donald Trump het Rusland se jongste lugaanvalle op Oekraïne veroordeel en gesê dit was onnodig en met ‘n baie slegte tydsberekening. Moskou het 70 missiele en 145 hommeltuie op Kiev gemik, wat van Woensdagnag tot gisteroggend minstens 12 lewens geëis en ongeveer 90 beseer het. Die Russiese ministerie van Verdediging beweer die aanvalle was gerig op militêre infrastruktuur, insluitend masjienbou- en tenkmaatskappye. Op Truth Social het Trump sy Russiese eweknie, Vladimir Putin, versoek om te stop en die vredesooreenkoms te onderteken.
Trump veroordeel Rusland se jongste lugaanvalle op Oekraïne