# Die DA in Gauteng eis ‘n spoedige ondersoek na Saterdag se brand in die Tembisa-hospitaal in Gauteng. Jack Bloom van die DA het die vinnige ontruiming van die hospitaal geloof, maar die voortdurende gebrek aan aanspreeklikheid vir hospitaalbrande gekritiseer. Bloom skryf dit toe aan die versuim om regulasies oor beroepsgesondheid en -veiligheid in provinsiale hospitale na te kom. Hy eis dat ‘n bekwame hoof vir die hospitaal aangestel word. Hy eis ook dringende optrede, aanspreeklikheid en die volledige herstel van dienste.
DA eis dringende ondersoek na brand in Tembisa-hospitaal