# Die Franse president, Emmanuel Macron, sê die gedeeltelike 90-dae-opskorting van Amerikaanse tariewe beteken onsekerheid vir Europese sakeondernemings wat steeds 25-persent moet betaal op staal, aluminium en motors. Finansiële markte kon Woensdag asemskep toe president Donald Trump besluit het om tariewe op tientalle lande tydelik op te hef sodat hulle kan onderhandel. Macron beskryf die tydelike verligting as kwesbaar en sê Europa moet voortgaan om aan teenmaatreëls te werk en alle beskikbare moontlikhede te gebruik om homself te beskerm.
President Macron beskryf Amerika se tarief-blaaskans van 90 dae as kwesbaar