# Brandbestryders veg steeds teen die brand in die Nuweland-kloof wat gister in die vroeë oggendure uitgebreek het. Twee helikopters en ‘n waarnemer-vliegtuig staan die grondspanne by om te verhoed dat die vuur na Duiwelspiek versprei. Toestande is moeilik met die brand wat teen steil hellings en ruwe terrein woed, waar ongeveer 60-hektaar reeds vernietig is. Sterk wind word vanmiddag voorspel wat die brand aansienlik kan beïnvloed. Staproetes in die omgewing van Nuweland, Duiwelspiek en Maclear-baken is gister tot verdere kennisgewing gesluit.
Brandbestrydingspogings op Tafelberg duur voort