Eko-minuut 13:30

BULLETIN NUUSAGENTSKAP 30 Julie 1:30 nm

Goeiemiddag. Hier is jou Eko-minuut:

# Die Stad Tshwane se afdeling vir Gemeenskaps- en Maatskaplike Ontwikkeling het die jongste insluiting van Suid-Afrikaanse terreine vir bevryding en menseregte as UNESCO Wêrelderfenisgebiede verwelkom. Dit sluit die Uniegebou en Konstitusieheuwel in. Die afdeling sê die insluiting is belangrik omdat dié terreine wetlik deur internasionale verdrae beskerm en erken word as belangrik vir die hele mensdom. Hy sê die terreine het kulturele en geskiedkundige waarde.

# Die Departement van Bosbou, Visserye en die Omgewing oorweeg ‘n aansoek ingevolge die Wet op die Bevordering van Toegang tot Inligting van Just Share en die amaBhungane-sentrum vir Ondersoekende Joernalistiek. Die organisasies vra inligting oor geheime vergaderings oor Suid-Afrika se beleid en regulatoriese benadering tot bekamping en aanpassing by klimaatsverandering. Dit hou ook verband met die land se energiemengsel, insluitend die billike oorgang na ʼn laekoolstof-ekonomie. Die departement sê hy het geen geheime vergaderings met sakeondernemings gehou oor klimaatsverandering nie.

# En Zero Carbon Logistics het ‘n vennootskap aangekondig met die Chinese vervaardiger Sany om ses nie-netwerk-vragmotorherlaaistasies langs die N3-hoofweg te ontwikkel. Hierdie hernubare energiestasies sal elektriese vragmotors tussen Johannesburg en Durban diens. Zero Carbon Logistics mik na die daarstel van ‘n netwerk van 120 stasies landwyd teen 2027, wat netto-zero vervoer sal bevorder. Die medestigter, Joubert Roux, beklemtoon die behoefte aan regeringsaansporings vir elektriese voertuie.

Bly ingeskakel vir meer nuus……………….