# Die Wes-Kaapse Departement van Infrastruktuur sê die konstruksie van ‘n tydelike verbypad van vyf-miljoen-rand langs Vyeboomweg, tussen Villiersdorp en Grabouw, vorder goed ná ernstige vloedskade. Vloedwaters het gedeeltes van die pad en infrastruktuur rondom die Rustrivier-brug beskadig, en verbindings onderbreek. Die ompad bied ‘n veiliger alternatiewe roete terwyl permanente herstelwerk uitgevoer word. Die LUR vir Infrastruktuur, Tertuis Simmers, sê die projek is bedoel om ontwrigting vir die betrokke gemeenskappe tot die minimum te beperk.
Wes-Kaapse regering werk aan herstel van toegang tussen Villiersdorp en Grabouw