# Die parlementêre portefeuljekomitee oor Maatskaplike Ontwikkeling verwelkom die toekenning van 3,8-miljard-rand oor die 2027 Mediumtermyn-bestedingsraamwerk om drie-duisend-552 maatskaplike werkers te werf. Die doel is om die reaksie op geslagsgeweld en vrouemoord te versterk. Voorsitter Bridget Masango beklemtoon die noodsaaklikheid om maatskaplike dienste te versterk om geweld te voorkom, kwesbare individue en gesinne te ondersteun, en op te tree voor situasies tot geweld en lewensverlies lei. Sy sê maatskaplike werkers speel ʼn belangrike rol om gevare te identifiseer, psigo-maatskaplike ondersteuning te verskaf en in te gryp in kwesbare huishoudings en gemeenskappe.
Parlementêre komitee verwelkom befondsing om drie-duisend maatskaplike werkers te werf