# Krieket: Die uitvoerende hoof van KwaZulu-Natal se Krieket-unie, Heinrich Strydom, sê hulle gaan ʼn deeglike interne ondersoek doen na die lae bywoningsyfer van die eerste toets tussen Suid-Afrika en Australië op Kingsmead in Durban. Net minder as 20-duisend toeskouers het die toets oor vyf dae bygewoon, wat die Proteas se eerste tuis-toets sedert Januarie 2025 was. Australië het met 214 lopies geseëvier. Strydom sê hulle moet na ondersteuners luister, weer met gemeenskappe in verbinding kom en maniere vind om toetskrieket meer toeganklik, interessant en aantreklik te maak.
Krieket: KZN Krieket-unie gaan ondersoek instel na swak bywoning van Kingsmead-toets