Betoë oor Mogotsi se vuurwapen, meineedsaak oor twee weke verwag

# Die vuurwapen- en meineedsaak teen die selfverklaarde politieke bemiddelaar Brown Mogotsi, is in die Johannesburgse Landdroshof tot 23 Oktober uitgestel. Die uitstel volg na sy regspan verdere besonderhede van die staat versoek het. Mogotsi se regsverteenwoordiger, Makau Sekgatja, sê die verdediging is ontevrede met die staat se reaksie. Die verdediging versoek inligting, insluitend die selfoonrekords van staatsgetuies, wat volgens hom van wesenlike belang is vir die voorbereiding van die saak. Daar word verwag dat die regsverteenwoordigers ‘n aansoek sal indien om die staat te verplig om die uitstaande inligting te verskaf.