# Die Soil of Africa-beweging vra meer aanspreeklikheid in die polisie nadat die Onafhanklike Polisie-ondersoekdirektoraat in 2025/26 altesaam vyf-duisend-259 beweerde gevalle van wangedrag aangeteken het. Dit sluit 332 gevalle van geslagsgeweld en vrouemoord in. Die beweging sê OPOD se onafhanklikheid moet beskerm en sy hulpbronne versterk word om deeglike ondersoeke te verseker, veral ná bewerings van verkragting, seksuele geweld en ander ernstige oortredings teen polisielede. Volgens die beweging beklemtoon die omvang en aard van die sake die noodsaaklikheid van doeltreffende toesig, deursigtige ondersoeke en gepaste stappe teen oortreders.
Soil of Africa vra meer aanspreeklikheid van die polisie