Kaapstad se vrywillige wetstoepassers teken duisende diensure aan om misdaad te beveg [KLANK]

# Die Stad Kaapstad sê sy vrywillige wetstoepassingsbeamptes het in die 2025/2026-boekjaar meer as 76-duisend diensure aangeteken. Die byna 380 vrywilligers het voltydse beamptes ondersteun deur middel van patrollies en openbareveiligheidsoperasies. Die burgemeesterskomiteelid vir Veiligheid en Sekuriteit, JP Smith, sê die vrywilligers het ook 148 arrestasies uitgevoer, drie vuurwapens, twee nagemaakte vuurwapens en 104 gevaarlike wapens gekonfiskeer, en meer as sewe-duisend-500 verkeersboetes uitgereik.