# Die voormalige Britse eerste minister, Boris Johnson, en senior nasionale Europese veiligheidsamptenare het ʼn Russiese hommeltuigaanval in Oekraïne naelskraaps vrygespring. Die hommeltuig het ʼn trein naby die grens tussen Oekraïne en Pole getref, kort nadat die trein waarop Johnson en ander amptenare gereis het daar verby is. Johnson veroordeel die aanval as lukraak en sinneloos. Oekraïne se minister van Buitelandse Sake, Andrii Sybiha, beskryf die aanval as Vladimir Putin se terreur wat nou regstreeks aan die Europese Unie en NAVO se deure klop.
Boris Johnson en senior Europese veiligheidsamptenare spring Russiese hommeltuigaanval naelskraaps vry