# Krieket: Suid-Afrika het ‘n onaantasbare voorsprong van 2-0 in hul eendag-reeks van drie wedstryde teen Namibië ná ‘n oorwinning van 157 lopies in Windhoek. Connor Esterhuizen het sy eerste eendag-honderdtal aangeteken en 119 lopies gemoker, terwyl Tony de Zorzi 79 bygedra het om die Proteas se beurt op 335 vir nege te eindig. Namibië is daarna vir 178 lopies uitgeknikker. Duan Jansen het vier paaltjies geneem en Eathan Bosch drie. Suid-Afrika het die openingswedstryd met 99 lopies gewen. Die laaste wedstryd word môre gespeel.
Krieket: Proteas verpletter Namibië om eendagreeks te beklink