# Die polisie in Gauteng sê ‘n gesamentlike benadering deur wetstoepassingsagentskappe, die regering, die sakegemeenskap en gemeenskappe help om misdaad te bekamp. Die provinsiale polisiekommissaris, luitenant-generaal Tommy Mthombeni, sê Operasie Shanela 2 het gelei tot 88-duisend-584 inhegtenisnemings, insluitend die van 14-duisend-256 onwettige immigrante. Beamptes het ook beslag gelê op 282 vuurwapens, bykans ses-duisend rondes ammunisie en 144 gesteelde of gekaapte voertuie. Kontakmisdaad het met drie-persent afgeneem, eiendomsverwante misdaad met 2,7-persent, en geslagsgeweld en vrouemoord met 9,1-persent. Mthombeni sê poging tot moord en aanranding is egter steeds kommerwekkend.
Misdaad in Gauteng neem af namate Operasie Shanela 2 vorder