Gigaba bly medevoorsitter van Verdedigingskomitee

# Die speaker van die Nasionale Vergadering, Thoko Didiza, het beslis die ANC se poging om Malusi Gigaba as medevoorsitter van die parlementêre gesamentlike staande komitee oor Verdediging te vervang, is nie volgens prosedure gedoen nie. Sy sê haar kantoor het geen amptelike kennisgewing ontvang nie, en ook nie sy bedanking nie voor ‘n ander ANC-parlementslid in sy plek aangewys is nie. Die EFF en die DA het die proses tydens ‘n chaotiese komiteevergadering betwis. Gigaba bly dus medevoorsitter tot die regte prosedure gevolg word.