# Rugby: Babalwa Latsha voer Saterdag die Springbok-vroue teen Nieu-Seeland se Swart Varings aan op die FNB-stadion in Johannesburg. Die eerste toets tussen die spanne op Suid-Afrikaanse bodem begin om half-twee. Ses van die voorspelers was ook in die beginspan teen Nieu-Seeland in verlede jaar se Wêreldbeker-kwarteindstryd, wat die Swart Varings met 46-17 gewen het. Die medehoofafrigter, Laurian Johannes-Haupt, sê die groep het sedertdien meer diepte opgebou en is gereed vir die uitdaging. Sy sê die Springbok-vroue sal by hul fisieke plan bly en daarop fokus.
Rugby: Latsha lei ervare Bok-vroue in Nieu-Seelandse stryd