# Die ANC in die Groter Johannesburg-streek het kommer uitgespreek oor die Sunday World-artikel met die opskrif, “Mbalula halts ANC’s Morero showdown”, en sê dis misleidend. Die artikel beweer sekretaris-generaal Fikile Mbalula het die provinsiale leierskap opdrag gegee om verlede week sy beplande inligtingsessie te kanselleer. Dit volg na Johannesburg-burgemeester, Dada Morero, se uitbarsting vol gekruide taal teenoor ʼn inwoner van Tshepisong. Die ANC sê die artikel probeer ʼn narratief van verdeeldheid in die party skep terwyl die organisasie daarop fokus om kiesers se ondersteuning te herbou in aanloop tot die verkiesing.
ANC in Groter Johannesburg verwerp Sunday World-weergawe van Morero-nuuskonferensie