# Rugby: Die All Blacks het skoonskip gemaak onder Suid-Afrika se konsessie-spanne met ʼn welverdiende 41-35-sege oor die Leeus op Ellispark in Johannesburg. Dit volg na oorwinnings teen die Stormers, Haaie en Bulle. Nieu-Seeland het ook die Springbokke in die eerste toets met 33-16 verslaan. Die Leeus het in die eerste helfte briljant gespeel en geleenthede gebruik om teen rustyd voor te loop. Die All Blacks, wat 18 punte agter was, het in die tweede helfte egter teruggeveg om die Leeus te klop. Die besoekers het altesaam sewe drieë gedruk.
Rugby: All Blacks haal groot agterstand in en klop die Leeus