# Die raad van die Openbare Beleggingskorporasie het sy uitvoerende hoof, Patrick Dlamini, in sy posisie heraangestel, en daarmee sy voorsorgskorsing beëindig. Dlamini is vroeër vanjaar op verlof geplaas terwyl bewerings teen hom ondersoek is. Die raad sê ‘n onafhanklike ondersoek het geen bewyse van wangedrag gevind wat dissiplinêre stappe regverdig nie. Dlamini sal met onmiddellike effek na sy pligte terugkeer. Die OBK bestuur bates van meer as drie-triljoen-rand, hoofsaaklik vir die Staatsamptenare se Pensioenfonds, wat hom Afrika se grootste batebestuurder maak.
Patrick Dlamini weer in diens by Openbare Beleggingskorporasie