# Die Eskom-raadsvoorsitter, Mteto Nyati, sê die kragvoorsiener steun die regering se plan om ‘n onafhanklike transmissiestelseloperateur tot stand te bring, maar beklemtoon die oorgang moet Eskom se finansiële volhoubaarheid beskerm. President Cyril Ramaphosa het hervormings goedgekeur om ‘n onafhanklike operateur te vestig om mededinging in die elektrisiteitsektor te bevorder. Nyati sê die oordrag van transmissiebates moet sorgvuldig gefaseer word om finansiële risiko’s te vermy en om te voldoen aan kredietverskaffers se vereistes. Hy beklemtoon die hervormings moet toegepas word om energiesekerheid te handhaaf, terwyl kontraktuele en befondsingsverpligtinge nagekom word.
Eskom vra versigtige benadering tot transmissiehervorming