# Bemiddelaars Katar, Turkye en Egipte het voortgesette Israelse optrede in die Gazastrook veroordeel. Minstens 28 mense is sedert Vrydag in Israelse aanvalle in Gaza dood, nadat die VSA-geleide Vredesraad ‘n ooreenkoms aangekondig het om Hamas te ontwapen. Die militante groep het egter verklaar dat hulle die ooreenkoms slegs sal nakom indien Israel die aanvalle in Gaza staak. In ‘n gesamentlike verklaring het Katar, Turkye en Egipte die internasionale gemeenskap versoek om die nodige druk op Israel uit te oefen teneinde die wapenstilstandooreenkoms te eerbiedig.
Katar, Turkye en Egipte veroordeel Israel se voortgesette optrede in Gaza