VN waarsku aanlyn bedrogsentrums is van die wêreld se “vinnigste groeiende” maniere van mensehandel [KLANK]

# Die Verenigde Nasies se Internasionale Organisasie vir Migrasie waarsku honderde duisende mense word elke jaar bedrieg deur beloftes van wettige werk in die buiteland, maar dan gevange gehou en by aanlyn bedrog-operasies betrek. Slagoffers van meer as 80 lande word deur vals werkaanbiedinge op sosiale media na swendelsentrums gelok. Verliese deur swendelary het in 2025 in Oos- en Suidoos-Asië, Australië en Nieu-Seeland ʼn geraamde 1,91-duisend-miljard-rand beloop. Amy Pope van die organisasie sê hulle het meer as drie-duisend-500 mense van 33 lande bygestaan: