# Mount Taishan en SANParke het ‘n samewerkingsooreenkoms onderteken wat ‘n belangrike mylpaal is in die versterking van internasionale samewerking oor bewaring en volhoubare ontwikkeling. Dit bou voort op die jarelange vennootskap tussen die Wes-Kaapse regering en die Shandong-provinsie. Die nuwe ooreenkoms bied ‘n raamwerk vir samewerking op gebiede soos bewaring van bioverskeidenheid, die bestuur van beskermde gebiede, volhoubare toerisme, omgewingsopvoeding, klimaatveranderingaanpassings en die uitruil van kennis en kundigheid. Die uitvoerende hoof van SANParke, Hapiloe Sello, sê die vennootskap weerspieël ‘n gedeelde verbintenis tot die beskerming van natuurlike erfenis, terwyl dit ook geleenthede vir volhoubare toerisme skep.
Mount Taishan en SANParke onderteken strategiese samewerkingsooreenkoms