# Die Wêreldgesondheidsorganisasie het minder as die helfte van die befondsing ontvang wat nodig is om die Ebola-uitbreking in die oostelike Demokratiese Republiek die Kongo te beveg. Die organisasie het aan Reuters gesê hy het sowat 40-persent van sy aanvraag vir 1,9-miljard-rand ontvang om die Bundibugyo-uitbreking te bekamp, waarvoor daar geen bewese behandeling of entstof bestaan nie. Regeringsdata toon minstens een-duisend-926 mense is besmet en 702 is dood. Die organisasie skat die werklike aantal gevalle in die DRK is minstens dubbel die amptelike syfer en dalk selfs meer as vier keer hoër.
WGO ontvang minder as helfte van nodige befondsing teen Ebola