Valke verwerp berigte van ondersoek na waarnemende nasionale polisiekommissaris

# Die Valke ontken berigte dat hy die waarnemende nasionale polisiekommissaris, Puleng Dimpane, ondersoek. Public Interest SA het ʼn strafregtelike klag teen Dimpane ingedien waarin beweer word sy het die Wet op Openbare Finansiële Bestuur oortree. Dit hou verband met die Suid-Afrikaanse Polisiediens se omstrede Medicare24-kontrak van 228-miljoen-rand. Die Valke sê Public Interest SA se klagte is na die Ondersoekdirektoraat teen Korrupsie verwys. Dit beteken egter nie ʼn strafregtelike saak is geregistreer, of ʼn ondersoek is begin nie.