Gautengse Departement van Menslike Nedersettings veroordeel beweerde sluipmoordkomplot teen amptenaar [KLANK]

# Die Gautengse Departement van Menslike Nedersettings het ‘n beweerde sluipmoordkomplot veroordeel waarin ‘n senior amptenaar geteiken is. Die amptenaar het na berigte gewerk om korrupsie te stop waar staatsgesubsidieerde huise onwettig verkoop is. Die departement sê twee verdagtes, insluitend een van sy administratiewe klerke, is deur die Valke in hegtenis geneem. Tahir Sema van die departement sê behuisingstoekennings en subsidiegoedkeurings van die Ekurhuleni-streekkantoor is tydelik opgeskort hangende ‘n interne oudit: