# President Donald Trump van Amerika en president Masoud Pezeshkian van Iran het ʼn amptelike 14-punt-vredesooreenkoms onderteken wat bekendstaan as ʼn memorandum van verstandhouding. Die ooreenkoms sluit in dat gevegte aan albei kante, insluitend Libanon, onmiddellik gestaak word. Iran moet ook binne 30 dae die verkeer deur die Straat van Hormoes herstel en Teheran mag nie ʼn kernwapen bekom nie. Albei kante het 60 dae tyd om oor ʼn finale ooreenkoms te onderhandel. Iran se ministerie van Buitelandse Sake sê skending van die memorandum sal ʼn hoër koste dra omdat albei presidente dit onderteken het.
Amerika en Iran onderteken 14-punt-ooreenkoms om oorlog te beëindig