# Nege-en-twintig motorfietse is geskut tydens ʼn polisiëringsoperasie in Tshwane. Beamptes van die Tshwane-metropolisiedepartement se Streek 6 het die operasie gister in Mamelodi uitgevoer. Talle motorfietsryers was sonder geldige rybewyse en het oortredingskennisgewings ontvang. Owerhede het ook ongedokumenteerde buitelandse burgers aangekeer en na die naaste polisiekantoor geneem sodat amptenare van Binnelandse Sake hulle kan verifieer. Die operasie is deel van voortgesette padveiligheidpogings.
29 motorfietse geskut tydens polisiëringsoperasie in Tshwane