# Die waarnemende minister van Polisie, Firoz Cachalia, sê tussen Januarie 2024 en Junie vanjaar het wetstoepassingsagentskappe 162 georganiseerde misdaadsindikate geïdentifiseer. Altesaam 371 vermeende sindikaatleiers is vervolg, maar slegs 62 is skuldig bevind. Cachalia het in ʼn parlementêre antwoord onthul dat 12 polisiebeamptes in dieselfde tydperk ondersoek is omdat hulle volgens berigte met hierdie misdaadsindikate saamgewerk het. Hy sê agt beamptes is geskors en twee is afgedank. Cachalia sê die Suid-Afrikaanse Polisiediens het pogings verskerp om georganiseerde misdaadgroepe te ontwrig. Dit sluit geheime operasies in wat misdaadnetwerke teiken.
162 misdaadsindikate in Suid-Afrika geïdentifiseer en 12 beamptes word ondersoek