# Vyf mense is dood en 40 beseer toe ‘n Nederlandse toerbus naby die Alpe-dorpie Susch in Oos-Switserland verongeluk het. Die bus, met 45 Nederlandse toeriste aan boord, het op ‘n pad, wat gedeeltelik gesluit was vir onderhoudswerk, omgeslaan. Drie van die beseerdes is in ‘n bedenklike toestand, terwyl sewe matige beserings opgedoen het. Nooddienste, insluitend reddingshelikopters, is na die toneel ontbied. Die name van die oorledenes is nog nie bekend gemaak nie. Switserse owerhede ondersoek die oorsaak van die ongeluk.
Vyf dood en 40 beseer in busongeluk in die Switserse Alpe