# Polisie het twee vroue in hegtenis geneem wat verbind word met ‘n wydverspreide sosialemedia-video wat die roekelose hantering van ongelisensieerde vuurwapens in Midrand wys. Die verdagtes van Ebony Park is in Kaalfontein in hegtenis geneem nadat die polisie ‘n voertuig waarin hulle was, onderskep het. Hulle word by die Tembisa-Suid-polisiestasie aangehou. Die arrestasies volg na die aanhouding van twee mans wat met die vuurwapen in die video verbind word. Die mans staan tereg op aanklagte van die onwettige besit van vuurwapens, ammunisie en ‘n gekaapte voertuig. Hulle sal hierdie week in die hof verskyn.
Twee vroue in hegtenis geneem oor wydverspreide vuurwapenvideo