# Tennis: Die wêreldnommer-een Aryna Sabalenka het Amanda Anisimova gister in ‘n hewige stryd met 6-3, 3-6, 6-3 geklop. Sy kom nou vir die titel in die WTA-eindstryd teen Elena Rybakina te staan. Albei spelers mik na hul eerste Billie Jean King-trofee en is tot dusver onoorwonne in die toernooi, met die 2022-finalis Sabalenka wat ‘n 8-5-voorsprong het in wedstryde teen Rybakina. Dit sluit in ‘n oorwinning twee jaar gelede in die eindstryd van die Australiese Ope.